【新加坡幸福新郎慘變黑白車頭照】港媒幽默暗諷讓人笑爆肚! 完全充分展現結婚有如終生監禁這主題啦~

昨天在網路瘋傳的新加坡一對新人的結婚照慘被拍成超old style兼超乎人想像的後現代主義調色手法，讓許多網友傻眼。而香港網媒Take it e時就此事寫了一篇報導，詼諧幽默的寫法真的讓小編笑爆肚啦～現在就分享給大家看看！小心笑飆淚喔～

▼▼▼▼▼▼▼▼

結婚係人生重要大事，當然要影低最精彩一刻啦，所以一定要搵個好嘅攝影師幫手，否則恨錯難返，變成人生污點，呢對新加坡新婚夫婦應該好明白呢個道理！最近新婚嘅佢哋，終於收到當日結婚嘅相，但係一睇就出事。張張相都奇奇怪怪，唔係角度攞錯晒，就係失焦睇唔清，而更甚嘅係，有啲相仲要俾人修圖到黑白色，成張死人相咁！

▲因乜解究要搞到成張車頭相呢？

學MK活地亞倫嘅葉念琛話齋:「結婚有如終生監禁。」，修圖大師似乎想藉住新郎哥嚟表達呢個意境，但無奈重手得濟搞到成張車頭相咁。此時此刻，陳奕迅嘅《最後派對》，完全fit晒成個意境。

活得精彩結尾切勿流眼淚

▲不甘心～明明不開心～就是不甘心～不過我肯等～等一生都等

呢一幕，攝影師成功用一張相表達出兩個層次嘅故事。第一層係溫馨甜蜜，但背後卻蘊藏住一段悲天憫人嘅搶親故事。被捕捉者完美展現出新娘結婚，但新郎不是我嘅痛苦感覺。再次為你送上陳奕迅嘅經典婚禮情歌－《阿牛》。（注：只適用於想搶婚人士）

你話只需肯做
差一剎與我拾回舊好
不甘心
尤其這新婚 就像玩犧牲
想過搶新娘 我差點講真

▲女伴：「開席未呀………….」

婚禮嘅程序可以搞足一整日。喺呢個漫長嘅過程，等待係少不免嘅事，而作為觀禮者，等到天荒地老是常識吧？為你送上陳百強嘅《等》。

等　
寂寞到夜深　
夜已漸荒涼　
夜已漸昏暗

▲out晒focus，叫人點睇？

宣誓一刻、交換戒指、互相親吻呢啲close up位，係每段婚禮上重要環節，一旦捕捉唔到又或者失焦，咁就一世；而且對女人嚟講，若對焦失誤，係會造成比撞車更嚴重嘅後果。陳奕迅嘅《沙龍》，或多或少能幫新婚夫婦表達出對焦兼拍照嘅重要性。

對焦　她的愛
對慢了　愛人會失去可愛
記低　這感慨
世事變　有沒有將你淹蓋

▲點解係都要將主角變成黑白色，但後面又要keep住啲綠色？

一張相要影到好靈異，唔一定要好恐怖，有時將一樣好正常嘅嘢搞到奇奇怪怪都已經帶出效果。楊千嬅嘅《閃靈》，或多或少帶出嗰份靈異味道。

怎麼你陰森的一雙眼
凝望我我只好蒙著眼睛

▲又幾樂觀喎！

呢對不幸嘅新婚夫婦收到相之後，係流咗幾滴眼淚。原來佢哋當日喺一間著名婚紗店到買咗個婚禮套餐，但竟然被告知唔可以自行挑選攝影師，仲寫包單啲攝影師係一定有保證！但結果出嚟係點，有目共睹啦！不過呢對新婚夫婦喺不滿之中都非常樂觀，唔介意俾人恥笑，甚至公開自己嘅不幸，有呢種樂觀態度，都係好事嚟嘅！。

其他精彩照：

▲男、女主角呢！?

▲點解新郎唔可以係有自己嘅膚色？

▲有人喜歡藍…….

▲呢張都叫做有啲電影感覺，但唔使張張都係一樣嘛？

▲影相最忌係，影到醜態之後再公開俾人睇。

 

 

 

 

來源：Take it e時

The post 【新加坡幸福新郎慘變黑白車頭照】港媒幽默暗諷讓人笑爆肚! 完全充分展現結婚有如終生監禁這主題啦~ appeared first on Viral Cham.

- Tomyam Soup